Geguritan Bahsa Jawa

Pepujaning Ati

Dening: Nur Fadilah

Wiwit tengahing sliramu anganthi saiki

Driya iki tansah ngambar arum

Kembang-kembang tresna kang jejogedan

Kang katilar ing jero ati

Sansaya suwe tansah gawe tentreming ati

Esem tanpa alum lir sekar mlati

Kasiram tresna kang suci

Saka sliramu pepujaning ati

Tan pengin gawe cuwaning atimu

Aku mung pengin tansah nduweni

Nduweni sliramu sawutuhe tresna asihmu

Kang wus dadi rega mati

Manawa ana kang dadi sandhunganing laku

Ati iki cidra marang sliramu

Sliramu aja rangu-rangu

Tresnaku amung kanggomu

Tresnaku

Dening: Nur Fadilah

Wengi kang endah iki aku kelingan sliramu

Swaraning jangkrik kang dadi pratandha pamujamu

Sapa sing ora kesengsem marang awakmu

Kang gawe ati iki gandrung

Tresnaku…

Kenya ayu kang dadi pepujanku

Tan ana kang bisa ngganteni sliramu

Amung siji tresnaku wong ayu

Tresnamu… kapercayanmu

Kang gawe gumetering driyaku

Tresnaku….

Entenono pepujanmu iki…..